یا گلب جفّیت و اتعبت الصــــدور
وین حبک راح طالت مـــــــــدّته
یابس ابصوبی او علی غیری نیاح
وین صبرک وین کا سه او دللــته
***
اتحزمت و اتصیح هل یوم البـــراز
عروه بحزامی ربطتک یا عنــــــید
شو نسیمک صار شرجی وشلـفاک
ترمی بسهامک علیه او ما تصـــید
***
جرّبیتک فرد مره او للابـــــــــد
ما اشد ارسان فرسی ابرکبتـــک
حیث ما تعرف سیاسات الزمــان
مای خابط برض صبخه خوتــک
***
کثّریت اهمومی زودّت الونیــــن
او من اجیتک کبّرت نفسک علی
سددّیت ادروب تصلح لک الشان
ما کسبت الجوده منّی او من هلی
***
یا دهر دوی شموع العالقـــــــات
نّور الحق و الحقیقه ابهل جمـــــال
اکشف اصدور الغبیه الرافــــضات
او صور ابصوره گلب یحمـل دلال
***
یا کرم زید الّطایف فی الحجــــور
یا شجاعه الباتت ابلیه وجـــــــود
حاتم الطایی امعزب لو شجـــــاع
الخاطر اعزوبیته غیر کل حــدود
***
سامع القصه یخی معروفه حـــیل
اولاد عمه العاندوه ابعزتـــــــــه
و الکباره اتلوگ اله سید الگــوم
حاتم الطایی یستاهل طاعتــــــه
***
یذبح العشراة من نعجه او جمال
شتل صیوانه او مضایف بل خـــلا
امعزب ا لخطاره تطبخ یا نصیب
ما فرق بین المداین و القـــــرّا
***
طال صیته وصل و العالم یشوف
رنت ادلاله او خطاره الکثــــــیر
عاندوه اولاد عمه او عذبـــــــوه
خذوا چفیته رهن عدهم اسیــر
***
شال منهم واجفی السابع دیار
احتاط واتجنّب الصحرا ضمّته
التابعته الخالطاهه ابهل کمال
جرّت اصحابه او ناسه العرفته
***
حضّه فاده من اجاه سید الگـــوم
عرف حاتم و اندعاله ابکل فرح
قبل طلباته او قدم له المــــــحال
شال همه ابکل مطالب و انطرح
***
ثبّت الدیوان و ابیوت الشــــــــعر
او صار احسن من قبل زاده انعرف
جاز خطاره او حکم سید العــــــرب
عرّس اعلی الزود او بیه کل الشرف
***
ضلّوا الحساد و الی حاسبــــــوه
ابدار ظلمه ما یجد بیهه ســـراج
شالت الوادم او تبعت لل مضیف
طار کل الخیر من هذا العجاج
***
فکروا اولاد عمه ایمحنـــــــوه
یقصدوا الفین خیّال الرضـــــاه
من وکت اذّن المومن رابطوه
یدخلون اعلیه من آخر مساه
***
دبّروا هل فکره و اتت هل ضیــوف
کل جمل راکب علیه ساده او عوام
اتجمعّت الفین من غیر الشبــــاب
ما تحیّر حاتم ابجمع العمــــــــام
***
خذوا رایه اشلون نطعم هل رجال
ما تجد فدیه او وصل وکت الغداء
جونه هل خطّار من درب البعید
ارجال جوعانه و الون بیهـم بداء
***
فته اعلیهم گال صبراً للخـــطاب
اذبحوا کل جمل القصدنه او ناگـته
امام کل واحد جمل حطوا ســریع
ارد اطفّی النار والّی حرگــــــته
***
اتعجبوا من شافوا اکرامه یزیـد
طاعوا الحاتم او باسوا محضره
اتعذروا و اتهادوا ابروج المصیر
بقت بگلوب المعاند خاطــره
***
رجع لدیاره او طاعت له العمام
او صار سید الگوم کلهه خدمته
هل نصیب آتی الی حاتم لحیث
ربه حبه ابکل کماله او طاعــته
***
وصل صیته للنبی او آل الرسول
وکت تبلیغ الاسلام او هجمــــته
اتاسروا اولاد حاتم بل حــروب
لجل حاتم فرش هدمه او عدّته
***
جاسم محمد الجبیره الحسانی الساری
15/06/1391
:: برچسب‌ها:
خذ عبره من حاتم الطایی ,
:: بازدید از این مطلب : 1897
|
امتیاز مطلب : 3
|
تعداد امتیازدهندگان : 2
|
مجموع امتیاز : 2
عضو شوید
عضویت سریع
آمار مطالب
آمار بازدید
